წესები და პირობები

შესვლის პოლიტიკა

კლუბში შესვლისთვის აუცილებელია საწევრო სამაჯურის შეძენა ან ვიზიტორად რეგისტრაცია. სამაჯურის მესამე პირზე გადაცემა დაუშვებელია და ამ შემთხვევაში, კლუბი უფლებამოსილია დააკისროს ჯარიმა მომსახურების სრული ღირებულებით.

ჯანმრთელობის მდგომარეობა

კლუბის წევრი თავად აგებს პასუხს საკუთარ ჯანმრთელობაზე. ამ პირობებზე დათანხმებით, იგი ადასტურებს, რომ ჯანმრთელია და ფიზიკური დატვირთვა არ შეუქმნის საფრთხეს მის ჯანმრთელობას.

წესები და განრიგები

კლუბის წევრი ვალდებულია დაიცვას კლუბის წესები და რეგულაციები, ასევე დაემორჩილოს დადგენილ განრიგს. განრიგისა და დადგენილი რეგულაციების შესახებ ინფორმაცია ხელმისაწვდომია როგორც კლუბის ტერიტორიაზე, ასევე ზეპირსიტყვიერად. კლუბს შეუძლია საჭიროებისამებრ შეცვალოს არსებული წესები და რეგულაციები.

აბონემენტის მესამე პირზე გადაფორმება

აბონემენტის გადაცემა მესამე პირზე არ არის დასაშვები.

აბონემენტის განახლება / გადაცვლა:

წევრს შეუძლია გაახანგრძლივოს ან შეცვალოს აბონემენტი უფრო გრძელვადიან ან ძვირადღირებულ ვერსიაში და ამ შემთხვევაში საჭირო იქნება ფასის სხვაობის დაფარვა.

ხელშეკრულების შეწყვეტის პირობები:

კლუბის წევრს უფლება აქვს გააუქმოს ხელშეკრულება ხელმოწერიდან ორი (2) დღის განმავლობაში. ასევე, წევრს შეუძლია მიმართოს კონტრაქტის შეწყვეტის მოთხოვნით კლუბის ადმინისტრაციას, თუ მას ჯანმრთელობის მდგომარეობიდან გამომდინარე ვარჯიშის გაგრძელება არ შეუძლია. ამ შემთხვევაში აუცილებელია ჯანმრთელობის ცნობის წარმოდგენა.

კონფიდენციალურობა და მონაცემთა დაცვა:

კლუბი აგროვებს პერსონალურ ინფორმაციას წევრობების მართვისა და სერვისების უზრუნველსაყოფად.წევრების ინფორმაცია კონფიდენციალური იქნება და გამოყენებული იქნება ჩვენი კონფიდენციალურობის პოლიტიკის შესაბამისად.

კარადები:

კლუბი აგროვებს პერსონალურ ინფორმაციას წევრობების მართვისა და სერვისების უზრუნველსაყოფად.წევრების ინფორმაცია კონფიდენციალური იქნება და გამოყენებული იქნება ჩვენი კონფიდენციალურობის პოლიტიკის შესაბამისად.

ძვირფასი ნივთები::

კლუბის ადმინისტრაცია წევრებს მოუწოდებს არ მოიტანონ კლუბში ძვირფასი ნივთები. კლუბი პასუხს არ აგებს მსგავსი ნივთების დაკარგვა, მოპარვა ან დაზიანებაზე, მათ შორის, კარადებში ან კლუბის ნებისმიერ სხვა ტერიტორიაზე დატოვებულ ნივთებზე.

ბავშვები:

16 წლამდე ბავშვებს შეუძლიათ კლუბის სერვისებით სარგებლობა მხოლოდ მშობლის თანხლებით ან პირადი მწვრთნელის ზედამხედველობით. კლუბს აქვს უფლება შეწყვიტოს ბავშვის აბონემენტი, თუ მისი ქცევა დაარღვევს წესებს ან შეუქმნის დისკომფორტს სხვა წევრებს.

აბონემენტის გაუქმება:

კლუბი იტოვებს უფლებას შეწყვოტოს ან გააუქმოს ეს აბონემენტი ნებისმიერ დროს, თუ კლუბის წევრი დაარღვევს კლუბში არსებულ წესებს ან რეგულაციებს.

ჯგუფური ვარჯიშები:

ჯგუფურ ვარჯიშზე დასასწრებად საჭიროა წინასწარ ჩაწერა. კლუბის წევრები ვალდებულები არიან დაემორჩილონ ჯგუფური ვარჯიშების წესებს.

ჩაცმის წესები:

კლუბში ვარჯიშის დროს სავალდებულოა სპორტული ტანსაცმელი და ფეხსაცმელი. გარე გამოყენების ტანსაცმლით ვარჯიში დაუშვებელია.

არა დასაქმებული მწვრთნელი:

აკრძალულია კლუბში არა დასაქმებული მწვრთნელის მიერ კლუბის ტერიტორიაზე ადამიანების ვარჯიში.

მარკეტინგული პასუხისმგებლობა:

ამ ხელშეკრულებაზე დათანხმებით, კლუბის წევრი თანახმაა კლუბისგან ნებისმიერ დროს მიიღოს მარკეტინგული ან საინფორმაციო შინაარსის მოკლე ტექსტური შეტყობინებები.

ვიდეო მეთვალყურეობა:

კლუბში დამონტაჟებულია ვიდეო კამერები უსაფრთხოების მიზნით და ჩანაწერები ინახება 14 დღის განმავლობაში. წევრი ადასტურებს, რომ იცის ამის შესახებ და არ გააჩნია პრეტენზია.

პასუხისმგებლობა:

კლუბის წევრი იღებს პასუხისმგებლობას სავარჯიშო მოწყობილობების გამოყენებაზე და ათავისუფლებს კლუბს ნებისმიერი პრეტენზიისგან, რომელიც შეიძლება წარმოიშვას მოწყობილობების არასათანადოდ გამოყენებისგან.

აბონემენტის დაპაუზება:

კლუბის წევრს შეუძლია დააპაუზოს აბონემენტი შემდეგი პირობებით:

1 თვიანი აბონემენტი - 1 შეჩერება ჯამში 5 კალენდარული დღით.

3 თვიანი აბონემენტი - 3 შეჩერება ჯამში 15 კალენდარული დღით.

6-თვიანი აბონემენტი - 5 შეჩერება ჯამში 25 კალენდარული დღით.