წინამდებარე კონფიდენციალურობის პოლიტიკა განსაზღვრავს, თუ როგორ აგროვებს, იყენებს, ინახავს და იცავს ფიტნეს კლუბი „გალილეო“ მომხმარებელთა პერსონალურ მონაცემებს.

პერსონალური მონაცემების დამუშავება ხორციელდება საქართველოს მოქმედი კანონმდებლობის, მათ შორის „პერსონალურ მონაცემთა დაცვის შესახებ“ საქართველოს კანონის შესაბამისად.

„გალილეომ“ შესაძლოა დაამუშაოს მომხმარებლის შემდეგი პერსონალური მონაცემები:

• სახელი და გვარი;
• პირადი ნომერი და დაბადების თარიღი;
• საკონტაქტო ინფორმაცია — ტელეფონის ნომერი და ელ. ფოსტა;
• ფოტო;
• კლუბის წევრობასა და აბონემენტთან დაკავშირებული ინფორმაცია;
• აპლიკაციის გამოყენებისა და ვარჯიშების დაჯავშნის შესახებ ინფორმაცია;
• გადახდებთან და ტრანზაქციებთან დაკავშირებული ინფორმაცია.

მონაცემებს ძირითადად ვიღებთ უშუალოდ თქვენგან — კლუბში რეგისტრაციისას, ვებგვერდის ან „გალილეოს“ აპლიკაციის გამოყენებისას, მომსახურების შეძენისას ან ჩვენთან დაკავშირებისას.

თქვენს პერსონალურ მონაცემებს ვამუშავებთ შემდეგი მიზნებისთვის:

• კლუბის წევრად რეგისტრაციისა და მომხმარებლის ანგარიშის მართვისთვის;
• აბონემენტებისა და სხვა მომსახურებების გასაწევად;
• ჯგუფური ვარჯიშების დაჯავშნისა და აპლიკაციის სხვა ფუნქციების უზრუნველსაყოფად;
• ონლაინ და ადგილზე გადახდების ადმინისტრირებისთვის;
• მომხმარებელთან კომუნიკაციისთვის;
• მომსახურების გაუმჯობესებისა და ტექნიკური მხარდაჭერისთვის;
• კანონმდებლობით გათვალისწინებული ვალდებულებების შესასრულებლად.

მონაცემთა დამუშავების სამართლებრივი საფუძველი შეიძლება იყოს თქვენთან დადებული ხელშეკრულების შესრულება, თქვენი მოთხოვნის საფუძველზე მომსახურების გაწევა, კანონით გათვალისწინებული ვალდებულების შესრულება ან, შესაბამის შემთხვევაში, თქვენი თანხმობა.

„გალილეოს“ აპლიკაციის საშუალებით ონლაინ გადახდისას გადახდისთვის საჭირო საბანკო მონაცემები მუშავდება შესაბამისი ბანკის ან გადახდის მომსახურების პროვაიდერის უსაფრთხო სისტემის მეშვეობით.

„გალილეო“ არ ინახავს მომხმარებლის საბანკო ბარათის სრულ მონაცემებს, მათ შორის ბარათის სრულ ნომერსა და CVV/CVC კოდს.

ტრანზაქციასთან დაკავშირებული ინფორმაცია შეიძლება დამუშავდეს გადახდის შესრულების, დადასტურების, თანხის დაბრუნებისა და კანონმდებლობით გათვალისწინებული ფინანსური ვალდებულებების შესრულების მიზნით.

თქვენი პერსონალური მონაცემები შეიძლება გადაეცეს იმ მომსახურების მიმწოდებლებს, რომელთა მომსახურებაც აუცილებელია „გალილეოს“ ვებგვერდის, აპლიკაციის, გადახდების, IT ინფრასტრუქტურისა და სხვა შესაბამისი სერვისების ფუნქციონირებისთვის.

ასეთ პირებს მონაცემები გადაეცემათ მხოლოდ შესაბამისი მომსახურების გაწევისთვის საჭირო მოცულობით და მოქმედი კანონმდებლობის მოთხოვნების დაცვით.

ასევე, კანონით გათვალისწინებულ შემთხვევებში ინფორმაცია შეიძლება გადაეცეს სასამართლოს, სამართალდამცავ, საგადასახადო ან სხვა უფლებამოსილ სახელმწიფო ორგანოს.

პერსონალურ მონაცემებს ვინახავთ მხოლოდ იმ ვადით, რაც აუცილებელია მათი დამუშავების მიზნების მისაღწევად, სახელშეკრულებო ურთიერთობიდან გამომდინარე მოთხოვნების სამართავად და კანონმდებლობით გათვალისწინებული ვალდებულებების შესასრულებლად.

„გალილეო“ იყენებს შესაბამის ტექნიკურ და ორგანიზაციულ ზომებს პერსონალური მონაცემების უნებართვო წვდომის, დაკარგვის, შეცვლის, გამჟღავნების ან სხვა სახის უკანონო დამუშავებისგან დასაცავად.

საქართველოს კანონმდებლობით გათვალისწინებულ ფარგლებში თქვენ უფლება გაქვთ:

• მიიღოთ ინფორმაცია თქვენი პერსონალური მონაცემების დამუშავების შესახებ;
• გაეცნოთ თქვენს მონაცემებს და მიიღოთ მათი ასლი;
• მოითხოვოთ არასწორი ან არასრული მონაცემების გასწორება ან განახლება;
• კანონით გათვალისწინებულ შემთხვევებში მოითხოვოთ მონაცემების წაშლა ან მათი დამუშავების შეწყვეტა;
• გამოიხმოთ მონაცემთა დამუშავებაზე გაცემული თანხმობა;
• ისარგებლოთ მონაცემთა გადატანის უფლებით, როდესაც ამის სამართლებრივი წინაპირობები არსებობს;
• თქვენი უფლებების დარღვევის შემთხვევაში მიმართოთ შესაბამის უფლებამოსილ ორგანოს ან სასამართლოს.

მონაცემთა დამუშავების შესახებ ინფორმაციის მოთხოვნას „გალილეო“ განიხილავს კანონით განსაზღვრულ ვადაში.

თქვენი თანხმობის შემთხვევაში „გალილეომ“ შესაძლოა გამოიყენოს თქვენი საკონტაქტო ინფორმაცია სიახლეების, სპეციალური შეთავაზებებისა და სხვა მარკეტინგული ინფორმაციის გასაგზავნად.

თქვენ შეგიძლიათ ნებისმიერ დროს გამოიხმოთ აღნიშნული თანხმობა და მოითხოვოთ პირდაპირი მარკეტინგის შეწყვეტა. შესაბამისი მოთხოვნა შესრულდება გონივრულ ვადაში, მაგრამ არაუგვიანეს 7 სამუშაო დღისა.

„გალილეოს“ შეუძლია პერიოდულად განაახლოს წინამდებარე კონფიდენციალურობის პოლიტიკა. განახლებული ვერსია გამოქვეყნდება ვებგვერდზე და მასზე მიეთითება ბოლო განახლების თარიღი.

პერსონალური მონაცემების დამუშავებასთან დაკავშირებული კითხვების ან თქვენი უფლებების განხორციელების მიზნით შეგიძლიათ დაგვიკავშირდეთ: